თანამედროვე სამყაროში, სადაც ყოველდღიურად უზარმაზარი რაოდენობის ინფორმაციას ვიღებთ და ჩვენი გონება ამით უკვე საკმაოდ გადაღლილია, ალბათ ყველას გვიფიქრია მეთოდებზე, რომლებიც ადვილად და ეფექტურად სწავლაში დაგვეხმარებოდა. ცოდნის ათვისების პროცესი დამოკიდებულია არა მხოლოდ ინდივიდუალურ უნარებზე, არამედ სწავლის სწორ სტრატეგიებზეც. ამ სტატიაში წარმოგიდგენთ ფსიქოლოგიურად დადასტურებულ მეთოდებს, რომლებიც დაგეხმარებათ ინფორმაციის უფრო სწრაფად და ეფექტურად ათვისებაში.

1. ფეინმანის ტექნიკა - სწავლა სწავლით

ამერიკელი ნობელის პრემიის ლაურეატი, ფიზიკოსი რიჩარდ ფეინმანი სწავლას ასოცირებდა უბრალო და გასაგებ ახსნასთან. მისი მეთოდი მოიცავს ოთხ ძირითად ნაბიჯს:

1. აირჩიეთ კონცეფცია, რომლის სწავლაც გსურთ.

2. განუმარტეთ ის ისე, თითქოს ბავშვი ან გაუცნობიერებელი ადამიანი გისმენთ.

3. იპოვეთ ის ადგილები, სადაც თქვენი ახსნა ბუნდოვანია და გაიმარტივეთ ისინი.

4. განიხილეთ განმარტება თავიდან და გამოიყენეთ მარტივი ენა.

ფეინმანის მეთოდი დაგეხმარებათ მასალის ღრმა გაგებაში და მისი პრაქტიკულ გამოყენებაში.

2. პომოდოროს ტექნიკა - დროის მართვა

იტალიელმა ფრანჩესკო ჩირილომ შექმნა "პომოდოროს" ტექნიკა, რომელიც ეხმარება კონცენტრაციის გაუმჯობესებაში. მეთოდი გულისხმობს:

• 25-წუთიან კონცენტრირებულ სამუშაოს,

• 5-წუთიან შესვენებას,

• ყოველ ოთხ სესიაზე 15-20-წუთიან გრძელ შესვენებას.

კვლევების მიხედვით, ჩვენი ტვინი უკეთ ფუნქციონირებს მოკლე, მაგრამ ინტენსიური სესიების დროს, რაც ხელს უწყობს ინფორმაციის დამუშავებას და მეხსიერებაში შენარჩუნებას.

3. ინტერვალური გამეორება - მეხსიერების გაძლიერება

გერმანელი ფსიქოლოგის, ჰერმან ებინგჰაუზის კვლევების მიხედვით, ადამიანი დროის განმავლობაში ინფორმაციას ივიწყებს, თუ მას არ იმეორებს. ინტერვალური გამეორების ტექნიკა სწორედ ამას ებრძვის:

• თავიდან მასალის ყოველდღიური გამეორება,

• შემდეგ ინტერვალების ზრდა (2 დღე, 1 კვირა, 1 თვე და ა.შ.).

ამ მეთოდს ხშირად იყენებენ ენის შესწავლის პროცესში და მეხსიერების გაძლიერებისთვის.

4. აქტიური სწავლა - ჩართულობა

კვლევები აჩვენებს, რომ სწავლის პროცესში აქტიური ჩართულობა (დისკუსია, კითხვების დასმა, პრაქტიკული დავალებები) მნიშვნელოვნად აუმჯობესებს შედეგებს. აქტიური სწავლა მოიცავს:

• მასალის გადამუშავებას საკუთარ სიტყვებში,

• დისკუსიებს და დებატებს,

• პრაქტიკულ გამოყენებას რეალურ ცხოვრებაში.

სწავლა არის არა მხოლოდ უნარი, არამედ პროცესის მართვის ცოდნაც. ზემოთ განხილული მეთოდები ფსიქოლოგიურ კვლევებს ეფუძნება და მათი რეგულარული გამოყენება საგრძნობლად გაგიუმოჯბესებთ სწავლის პროცესს. მნიშვნელოვანია, რომ იპოვოთ თქვენთვის ყველაზე ოპტიმალური სტრატეგია. წარმატებული სწავლამ ვფიქრობ, რომ მაინც ჩვენს ხელშია!

რია ლიდი

 რა არის ბედნიერება და როგორ გავხდეთ ბედნიერები?

  რის შესახებ არ გეტყვით არასოდეს ახლობელი ადამიანიც კი

  რითი დაიმსახურეთ ასეთი ურთიერთობა თქვენს რჩეულთან და როგორ გამოასწოროთ ის

 ნინიკო გომარელი: „არ არსებობს სპორტსმენისთვის მარტივი გზა“