ეს არის ერთ-ერთი ყველაზე ხშირი კითხვა, რომელსაც ადამიანები საკუთარ თავს ვუსვამთ. მასზე პასუხის გასაცემად ყველაზე საუკეთესო გზა, ალბათ, ყველა სფეროში საკუთარი ძალების ცოტ-ცოტა მოსინჯვა იქნებოდა, თუმცა ამდენი დრო არ გვაქვს. საბედნიეროდ, არსებობს სხვა გზებიც.

საკუთარ თავს დაუსვით ქვემოთ მოცემული კითხვები და გულწრფელად უპასუხეთ.

1. რა არის ის, რისი კეთებაც ჩემთვის სახალისოა, თუმცა სხვებისთვის შრომად აღიქმება?

ამა თუ იმ საქმიანობისთვის შექმნილი ხარ თუ არა, დამოკიდებულია არა იმაზე თუ რა გიყვარს, არამედ _ სხვებთან შედარებით რამდენად იოლად ართმევ თავს საქმიანობასთან დაკავშირებულ სირთულეებს. როდის ხდება ისე, რომ საქმიანობით სიამოვნებას იღებ, როცა სხვები იმავეს გამო წუწუნებენ? საქმე, რომელიც შენ უფრო ნაკლებად გაწუხებს, ვიდრე სხვებს, არის ის, რომლისთვისაც შექმნილი ხარ.

2. რისი კეთებისას გადის დრო შეუმჩნევლად?  

საუბარია ისეთ საქმეზე, რომელიც ისე გიტაცებს, რომ თითქოს დანარჩენი სამყარო არსებობას წყვეტს.

3. სად მივაღწევ უფრო მაღალ შედეგს, ვიდრე რიგითი ადამიანი?  

ადამიანები გამუდმებით ვადარებთ თავს გარშემო მყოფთ და როდესაც უპირატესობას ვგრძნობთ, კმაყოფილებასაც განვიცდით. როცა რაიმე გაცილებით უფრო ადვილად გამოგვდის, ვიდრე სხვას, ეს, როგორც წესი,  მისი კეთების მეტ მოტივაციასაც გვაძლევს.

4. რა გამომდის ბუნებრივად?

წამით დაივიწყეთ რას გასწავლიან. ნუ მიაქცევთ ყურადღებას იმას, რასაც საზოგადოება გეუბნებათ. დაივიწყეთ, რას მოელიან თქვენგან. ჩაუღრმავდით საკუთარ თავს და დაუსვით კითხვა: „რა გამომდის ბუნებრივად? როდის ვგრძნობ ენერგიის მოზღვავებას? როდის ვგრძნობ, რომ რეალურად ის ვარ, ვინც ვარ?“ პასუხების დროს თავი შეიკავეთ საკუთარი თავის შეფასების ან სხვებისთვის თავის მოწონებისაგან. არანაირი ჭოჭმანი და თვითკრიტიკა, მხოლოდ საქმით გატაცებასა და მისით მიღებულ სიამოვნებზე იფიქრეთ. ყოველთვის, როცა გრძნობთ ავთენტურობას და იმას, რომ იქ ხართ, სადაც უნდა იყოთ, გამოდის, რომ სწორი მიმართულებით  მიდიხართ.

            იმედი მაქვს ეს რჩევები დაგეხმარებათ, თუმცა საბოლოო ჯამში დიდი წარმატების მიღწევა, ალბათ მაინც ერთდროულად არის დამოკიდებული _ შრომაზეც, ნიჭზეც და იღბალზეც. გისურვებთ ცხოვრებაში საკუთარი საქმიანობისა და ადგილის პოვნას, ბედნიერებასა და იღბალს. ასევე, ნუ დაგავიწყდებათ, რომ იღბალი, როგორც წესი ყველაზე ხშირად სწორად შრომისმოყვარე ხალხს სტუმრობს ხოლმე. 

ფიქრია ჭალიძე

მასალა მომზადებულია ჯეიმს ქლიერის წიგნის, "ატომური ჩვევების" მიხედვით

მხოლოდ სიყვარული არასოდესაა საკმარისი

ნინიკო გომარელი: „არ არსებობს სპორტსმენისთვის მარტივი გზა“