სიყვარული მხოლოდ გრძნობა არ არის — ეს არის სივრცე, სადაც ადამიანი ან იხსნება და ბედნიერია, ან ნელ-ნელა ქრება. სწორედ ამ განსხვავებაში იმალება მთავარი პასუხი კითხვაზე: სწორად ავირჩიეთ თუ არა პარტნიორი?

რა თქმა უნდა, ურთიერთობებში ასპროცენტიანი გარანტია არ არსებობს. ადამიანები იცვლებიან, გარემო იცვლება, ჩვენც ვიცვლებით. თუმცა არსებობს ნიშნები, რომლებიც გვანიშნებს, რომ სწორ გზაზე ვართ.

ფსიქოლოგიური დაკვირვებით, ჯანსაღი ურთიერთობის მთავარი ინდიკატორი ერთია: თქვენი პიროვნული ზრდა.

1. უკეთესი ხდებით — არა იმიტომ, რომ გთხოვენ, არამედ იმიტომ, რომ გინდათ

როცა ურთიერთობა ჰარმონიულია, ადამიანი ბუნებრივად იწყებს საკუთარ თავზე ზრუნვას.
ქალი შეიძლება უფრო გაბრწყინდეს — არა მხოლოდ გარეგნულად, არამედ შინაგანადაც: თვალებში უჩნდება სინათლე, ხასიათში — სიმშვიდე.
კაცი შეიძლება მეტად მოტივირებული გახდეს — მიზანდასახული, აქტიური, შემოქმედებითი.

მთავარი აქ ფინანსები ან სილამაზე კი არ არის, არამედ შინაგანი მდგომარეობა. თუ პარტნიორთან ყოფნისას თავს ენერგიულად, თავდაჯერებულად და შთაგონებულად გრძნობთ — ეს კარგი მნიშვნელოვანი სიგნალია.

2. თქვენი ცხოვრება ფართოვდება და არ ვიწროვდება

ჯანსაღ ურთიერთობაში ადამიანი არ კარგავს საკუთარ მეგობრებს, ინტერესებსა და მიზნებს. პირიქით — იღებს მხარდაჭერას, რომ უფრო თამამად იაროს საკუთარი გზით.

თუ ურთიერთობის შემდეგ:

• უფრო მეტად ზრუნავთ საკუთარ ჯანმრთელობაზე,
• უფრო ნათლად ხედავთ მომავალს,
• გაქვთ სტაბილურობისა და უსაფრთხოების განცდა,
• ნაკლებად გჭირდებათ დრამა და მუდმივი დაძაბულობა,

ეს მიუთითებს, რომ ურთიერთობა თქვენზე პოზიტიურად მოქმედებს.

3. მშვიდობა უფრო მეტია, ვიდრე შიში

ხშირად ადამიანები სიყვარულს ემოციურ ქარიშხალს ამსგავსებენ. თუმცა ფსიქოლოგიურად მომწიფებულ კავშირში მთავარი განცდა სიმშვიდეა.
თქვენ არ გეშინიათ, რომ მიგატოვებენ. არ გჭირდებათ მუდმივი დამტკიცება, რომ ღირსეული ხართ. არ ცხოვრობთ მუდმივ ეჭვში.

იქ, სადაც „თქვენი ადამიანი“ არის, ჩნდება უსაფრთხო სივრცე — და ამ სივრცეში ადამიანი ვითარდება.

4. ურთიერთობა არ ანაცვლებს თქვენს ცხოვრებას — ის ამდიდრებს მას

სიყვარული არ უნდა იყოს ერთადერთი სიხარულის წყარო. თუ პარტნიორი თქვენი სამყაროს ცენტრად იქცა და ყველაფერი დანარჩენი გაქრა, ეს უკვე სიგნალია, რომ ბალანსი ირღვევა.

„თქვენი ადამიანი“ არ ითხოვს, რომ საკუთარი თავი დათმოთ. პირიქით — გეხმარებათ, რომ უფრო სრულად გახდეთ საკუთარი თავი.

და მაინც — არსებობს გარანტია?

არა. ურთიერთობა ყოველთვის ცოცხალი პროცესია. მაგრამ ერთი მარტივი კითხვა დაგეხმარებათ:

ვიზრდები ამ ურთიერთობაში თუ ვპატარავდები?

თუ იზრდებით — ემოციურად, ინტელექტუალურად, პროფესიულად — დიდი ალბათობით, სწორი ადამიანის გვერდით ხართ.
თუ მუდმივად დაღლილი, დაუცველი და შემცირებული ხართ — მაშინ დროა დაფიქრდეთ.

სიყვარული იქაა, სადაც გვღებულობენ ისეთს და ვუყვარვართ ისეთი, როგორიც ვართ.

                                                      ჟურნალისტი ფიქრია ჭალიძე

ცხოვრების 10 წესი

  როგორ უნდა გაიგო, რაში გაქვს წარმატების ყველაზე მეტი შანსი?

 როგორ ვისწავლოთ ადვილად: ფსიქოლოგიური მეთოდები და პრაქტიკული რჩევები   

 მხოლოდ სიყვარული არასოდესაა საკმარისი