Главная » 2015 » დეკემბერი » 24 » ოსკარ უაილდის გამონათქვამები (1856-1900)
14:25
ოსკარ უაილდის გამონათქვამები (1856-1900)

ოსკარ უაილდი ინგლისელი მწერალი, დრამატურგი და ხელოვნების თეორეტიკოსი გახლდათ. მან დასცინა წარჩინებულთა წოდებას, მაგრამ რომანში "დორიან გრეის პორტრეტი" უზნეო გართობაც იქადაგა. აქვს ზღაპრები ("ბედნიერი პრინცი" და სხვა). 


***
ხელოვანი შემოქმედია მშვენიერის. 
***
ვინც ლამაზ ნაწარმოებში ცუდ აზრებს ეძებს, თვითონვეა გარყვნილი და მიმზიდველობას მოკლებული. ეს ნაკლია. 
***
ვინც მშვენიერ ნაწარმოებში ლამაზ აზრს ეძებს, ჭეშმარიტად კულტურული ადამიანია. 
***
ლამაზი ტყუილების თქმა _ აი, მიზანი ჭეშმარიტი ხელოვნებისა. 
***
ყველაზე საზიანო ჯანმრთელობისათვის არის ბევრი ფიქრი, ამისაგან შეიძლება მოკვდე, როგორც ყოველი ავადმყოფობისგან. 
***
არსებობს სამი სახე დესპოტიზმისა. უპირველესად _ არიან დესპოტები, სხეულზე რომ ხმარობენ ძალადობას. მეორედ _ დესპოტები, სულზედ რომ ბატონობენ და ბოლოს, _ დესპოტები, ერთნაირ ძალადობას რომ ხმარობენ სულზე და სხეულზედ. პირველი დესპოტი არის მონარქი, მეორე _ პაპი, მესამე _ ხალხი. 
***
პარადოქსის გზა მიდის ჭეშმარიტებისაკენ. 
***
ჩემთვის სილამაზეა სასწაული-სასწაულთაგანი.
***
ადამიანები მეტად ლმობიერნი არიან. ისინი მზად არიან ყველაფერი შეიწყნარონ, გარდა გენიისა. 
***
ყველა ქალი ცდილობს მამაკაცი კეთილი მოქმედების გზაზე დააყენოს. მაგრამ როცა მათი კეთილი სურვილის თანახმად კეთილისმოქმედნი ვხდებით, მათ აღარ ვუყვარვართ. 
***
ჩვენ ყველანი ორმოებში ვართ, მაგრამ ზოგი ჩვენგანი აქიდან მაინც ჭვრეტს ვარსკვლავიან ცას. 
***
გათხოვილი ქალის ერთგულებაზე უმაღლესი არ არის რა. ვერც ერთი ცოლიანი კაცი ვერ ავა ამ სიმაღლეზე. 
***
ვის ვუწოდებთ ცინიკოსს? ადამიანს, რომელმაც იცის ყველაფრის ფასი, მაგრამ არაფერს არავითარ ღირებულებას არ აძლევს. 
***
რა სამწუხაროა, რომ ჩვენ მეტისმეტად გვიან ვსარგებლობთ ცხოვრებისგან მოცემული გაკვეთილებით. 
***
არაფერი არ აზიანებს სასიყვარულო კავშირს ისე, როგორც იუმორის გრძნობა ქალში და უმისობა მამაკაცში.
***
ქალებს ჩვენ ვუყვარვართ ჩვენი ნაკლოვანებების გამო.
***
რომანის მთავარი გმირის დახასიათება გამართლდება ხოლმე არა გარეშე პირებთან მიმსგავსებით, არამედ მსგავსებით მის ავტორთან. სხვანაირად შეუძლებელია რომანს მხატვრული ეწოდოს. 
***
საუბარში ყველაფერს ცოტ-ცოტათი უნდა შევეხოთ და არ გავჩერდეთ რამეზე. 
***
მამაკაცს ყოველთვის უნდა ქალის პირველი სიყვარული იყოს. ქალები კი შორსმჭვრეტელნი არიან და სურთ იყონ მამაკაცის უკანასკნელი ვნების საგანი. 

  

Категория: გამონათქვამები | Просмотров: 2976 | Добавил: popularsge | Рейтинг: 0.0/0
Всего комментариев: 0
avatar