 ***
მხოლოდ მოკლე თქმაში გამოჩნდება ოსტატი.
***
თუ ქალის გულის მონადირება გინდა, მომატებული ყურადღება არ უნდა მიაქციო.
***
ქალს სწორედ ისეთ დროს უნდა წაავლო ხელი, როცა ჭოჭმანს მოყვება.
***
ზოგიერთი კაცის ცხოვრება უნიჭო მწერალის რომანსა ჰგავს, ჩაათავებ და იტყვი: ნეტავი, არ წამეკითხაო!
***
ყველა დრო კარგია, თუ კაი თავი გაბია კაცს.
***
ყოველივეს, რასაც ბედი გვაძლევს, იგივე წაიღებს ბოლოს.
***
არავის იმდენი მტერი არ ჰყავს, რამდენიც ბრძენკაცს, გმირსა და ოსტატს.
***
ძლიერს უფრო მეტად უჭირს ამქვეყნად.
***
ვინც შეგირდი არ ყოფილა, ვერასოდეს გახდება ოსტატი.
***
ხალხი თუ გაძღა, ლოცვასაც მიატოვებს და შრომასაც.
***
არავინ ისე მამაცად არ იბრძვის სხვის ომში, როგორც სულელი.
***
მლიქვნელთა თათბირი არც ერთ მეფეს არ გამოსდგომია.
***
ქედმაღლობა მეფეების უდიდესი უბედურებაა.
***
არავის ისე არ უჭირს სიბერის სენი, როგორც პოეტს, რადგან მასში ყველაზე ხანგრძლივად ცხოვრობს ბავშვი და ჭაბუკი.
***
ქვეყნად არც რაინდია ისეთი, რაიმეს წინაშე შიში არ ეგრძნო, არც თუ ბრძენია, სადმე ერთხელ სისულელე არ ეთქვას.
***
გულფიცხობა მტერია ყოველგვარი წარმატებისა.
***
ურმით დადის ბედისწერა. რაც არ უნდა ირბინო, ბოლოს მაინც წამოგეწევა.
***
ლენცოფას ჯერ არსად მოუსხამს ვარდი.
***
ლომს, თუნდაც ცალთვალას, ვინ შეჰბედავს, ელამი ხარო!
***
სპილო ხორთუმით კლავს მსხვერპლს, გველი _ კოცნით, მეფე _ღიმილით, ხოლო მოღალატე _ პატივის მიგებითა.
***
ცილისწამებისგან უმცირესი ჩრდილი მაინც მიადგება ადამიანს.
***
ვინც ყველა ციხეს ერთბაშად მოუნდომებს აღებას, საკუთარი და აღებულიც დაეკარგება.
***
გადაჭარბებული სტუმართმოყვარეობა ისევე სააუგოა, როგორც წრესგადასული სიძუნწე.
***
უჭკუონი და უნამუსონი უკეთ ეწყობიან ამ წუთისოფელში.
***
ყოველ ცოცხალ ადამიანს, ყოველ დიდ მკვლევარს და დიდ მწერალს ოპოზიცია ჰყოლია და ეყოლება მუდამ. ეს საგანთა ბუნების შემცველი კანონია.
***
თუ ადამიანს რწმენა აქვს, იგი უძლეველია უთუოდ.
***
ჭაღარა არაფერია. მთავარია სულში არ გაუჩნდეს ადამიანს ჭაღარა.
***
დიდი კაცის სახელი დიდ რემეებს ავალებს ადამიანს.
***
ბუნებას ყველაფერი უდიდესი მიზანშეწონილობითა აქვს გაზომილი.
***
როგორც წერას, ისე სროლასაც დროის შერჩევა უნდა.
***
ისეთი მამლებიც ბევრია ამქვეყნად, გათენების შემდეგ რომ ყივიან.
***
მწერლობა გველზე ნადირობაზე უფრო ძნელია.
***
წარმატებას მტრებისა და მეშურნეების გაბოროტებაც მოსდევს.
***
სისხლი აკავშირებს, სისხლი სთიშავს ადამიანებს.
***
ხელოვანიც ხშირად ლუკმაპურის მონაა.
***
გენიოსები დიდ აზრებთან ერთად გაუგონარ პარადოქსებსაც არ თაკილობენ.
***
ყოველ ციხეს თავისი ხვრელი მოეძებნება.
***
სიამაყის გარეშე წარმოუდგენელია შემოქმედება. ვინც მარმარის გაურანდავი ნაკვეთიდან სილამაზეს, სითბოს და სიყვარულს აღძრავს, იგი უეჭველად ჯადოქარია.
***
სანამ დედა ჰყავს კაცს, მუდამ ახალგაზრდად ითვლება.
***
დიდი სინათლე არეტიანებს, როგორც ნადირებს, ისე ადამიანებს.
***
ჯერ არც ერთი მეფე ჭკვიან ვეზირებს არ გაუხდიათ ბრძენი.
***
ჩვენს ქვეყანაში მოსული სჯობს ჩვენი ხალხის სილამაზეს აქებდეს უწინარეს ყოვლისა: მთები რომ ლამაზები გვაქვს, ეს ჩვენი დამსახურება როდია. არა მგონია, ჩვენი დიაცების სილამაზეც ჩვენი დამსახურება იყოს. ჩვენი დამსახურება ისაა, ეს ლამაზი ქვეყანა რომ შევირჩინეთ.
***
ნამდვილი გმირები ხანდახან ტანმორჩილნი არიან და უჩინარნი.
***
ბიჭობა ისაა, იგი აქო, რაც სხვებს არ უქიათ ჯერ (საამისოდ ახლის შენიშვნის უნარიცაა საჭირო).
პოპულარს.ჯი
გააზიარე ფრაზა, რომელიც მოგეწონა
ფრაზის მონიშვნით, შეგიძლიათ მისი გაზიარება.
|